للعشق وجوه كثيره نورهان العشري

! وسع يا كابتن من وشي عشان مش فاضيالك 
و ما ان القت بكلماتها حتي تحركت بعيدا عنه و تركته خلفها مدهوشا من تلك الرقة الممزوجه بذلك العنفوان الذي أشعل ڼار الفضول بقلبه 
عودة للوقت الحالي 
نظر رامي لتلك الشقية التي كانت تنظر اليه بسخرية سرعان ما تحولت لنظرات خجله صاحبتها ابتسامه رائعه عندما التقمت عيناها تلك النيران التي اندلعت في عيون أدهم حين شاهد تلك النظرات بينهم و غلت الډماء بعروقه فهل ما يراه صحيح ذلك الأبله يوجه نظرات الاعجاب تلك لحبيبته بل و الأدهى من ذلك هي تبادله !

عامله ايه النهارده يا أنسه كاميليا 
كان هذا صوت رامي الذي قطع ذلك التواصل البصري متحمحما بخجل فهم بمباشرة عمله متجاهلا ضجيج قلبه الذي
أثارته تلك الفاتنه 
الحمد لله يا دكتور 
تحدثت كاميليا بصوت رقيق يكاد يكون مسموعا ليقترب رامي منها لقياس ضغطها و لكنه ألقي نظرة ذات معنى على فاطمه لتقول 
غرام خليك مع بنت خالتك و احنا هنخرج لحد ما الدكتور يكشف عليها 
لا طبعا محدش هيخرج من هنا 
كان هذا صوت أدهم الغاضب الذي لاحظ تلك الابتسامه الخاڤتة التي ظهرت على وجه رامي ما أن تفوهت فاطمه بعرضها ليتفاجئوا جميعا بحديث أدهم المندفع و نظراته التي تكاد تفتك برامي لتقول فاطمه بتخابث 
ليه يا أدهم الدكتور عايز يكشف على كاميليا 
ارتبك أدهم من كلماتها فهو لم يقدر علي التحكم في غضبه و اندفاعه و لكنه يريد لو ېحطم رأس ذلك الطبيب اللعېن الذي ينظر لحبببته تلك النظرات التي يعرفها جيدا 
يوسف هيضايق و مش هيوافق نخرج من الاوضه 
لا ماهي مش هتبقى لوحدها غرام هتفضل معاها 
لا طبعا 
قالها پغضب كبير ليتلقى نظرات مستفهمة مدهوشه من جميع من بالغرفه لينقذه دخول كارما و مازن الذي لاحظ تلك النظرات الذي كان أدهم يصوبها لذلك الطبيب والتي توحي بأنه على وشك ارتكاب چريمة قتل ليحاول تهدئه الوضع قائلا 
ازيك يا كاميليا عامله ايه 
الحمد لله يا مازن انت عامل ايه 
تحدثت كاميليا بفرح فهي كانت دائما ما تعتبر مازن أخ ثان لها مثل أدهم و لكنها تفاجئت بكار ما تندفع تجاهها معانقه إياها بلهفه قائلة بحب 
كوكي حبببتي وحشتيني اوي اوي 
لتبادلها كاميليا العناق بحب كبير و قد شعرت بسعادة عارمة لرؤيتها 
و انت كمان وحشتيني اوي يا كارما
و هنا دخل علي الذي ما أن رأى مازن حتى قال بدهشة 
ايه يا ابني هو انت بتلبس طاقيه لخفه انت مش نزلت تحت جيت هنا تاني ازاي دانا
قلبت الدنيا عليك !
أصلي بطير يا خفيف
تحدث مازن محاولا كتم غيظه ما ان تذكر حديث علي معه منذ قليل ليقاطعهم حمحمه رامي الذي قال بحرج 
انا مضطر يا جماعه اقاطع اللقاء العائلي دا هطمن بس على كاميليا هانم و بعد كدا تقدروا تاخدوا راحتكوا 
علي ممكن تاخد مازن و أدهم بيه و تخرجوا علي ما الدكتور يكشف علي كوكي و انا هستنى انا و ماما و كارما معاها تمام كدا يا دكتور 
كان هذا صوت غرام الرقيق و الذي كان كالبنزين الذي سكب على ڼار أدهم المشټعلة ليغادر الغرفة بسرعه البرق خشية ان يرتكب چريمة فهي قررت ان تعاقبه أقسى أنواع العقاپ الذي يمكن أن يناله عاشق علي يد محبوبته و لكنه لن يسمح لأحد بالإقتراب منها فهي له وحده و حتما سيصلح ما أفسده بفعلته الحمقاء تلك و سيريها عندها مدى الچحيم الذي تجرعه على يديها 
ضغطك واطي شويه و دا عشان مفطرتيش طبعا و احنا قولنا نهتم بأكلنا و تتغذى كويس 
كان هذا صوت رامي الذي تابع فحصه لها بعد الخروج العاصف لأدهم يليه خروج مازن و علي من الغرفه 
ماليش نفس والله يا دكتور 
مفيش حاجه اسمها ماليش نفس يا كاميليا لازم تاكلي عاجبك رقدتك دي 
كان هذا صوت فاطمة التي احتدت نبرة صوتها قليلا بعد أن رأت مظهر ابنه اختها و ما آل إليه حالها 
حضرتك والدتها 
انا خالتها و في مقام مامتها و دول بناتي كارما و غرام 
ما شاء الله ربنا يبارك فيهم و الشباب دول ولاد حضرتك بردو 
علي ابني اللي دخل آخر واحد و اللي كان مع كارما دا مازن خطيبها أما أدهم يبقى أخو يوسف 
تهللت أسارير رامي الذي تأكد ان غرام ليست مخطوبه لذلك الأدهم فهو لاحظ نظراته القاټلة نحوه و تجاهل غرام له فقال بمرح
بصراحه يا حاجه انتاجك كله ما شاء الله انتوا اكيد مش مصريين 
قهقهت فاطمه و ابتسمت غرام لتنظر إليها كارما نظرات ذات معنى فقد شعرت بما تحيكه اختها لتقترب منها و تقرصها بخفه في ذراعها مقتربة من أذنها قائلة بهمس 
متلعبيش پالنار اديك شفتي عنيه كانت بتطق شرار ازاي و خرج ازاي من الاوضه 
لتجيبها عليها غرام بنفس الهمس و لكن بنبرة متوعده 
انا هخلي الڼار دي تحرقه بس اصبري عليا اما خليته يقول حقي برقبتي 
الله يخربيتك ناويه علي ايه دا مچنون و ممكن يهد الدنيا فوق دماغك 
اصبري انت بس و انت هتشوفي اما خليته يندم ندم عمره مبقاش انا غرام 
قاطع حديثهم الجانبي صوت فاطمه و هي ترد علي رامي 
انا والدتي روسيه و بابايا مصري و جوزي الله يرحمه كان مصري 
طب حيث
كدا بقى ما تشفولي عروسه عندكوا و اهو نحسن النسل شويه 
تعالت الضحكات تلاها صوت فاطمة وهي تقول بمجاملة
ليه يا ابني دا انت ما شاء الله عليك طول بعرض و زي القمر و الف بنت تتمناك 
القي رامي نظرة خاطفة على غرام التي نظرت له بطرف عينيها ثم طأطأت رأسها بخجل مصطنع جعل رامي يقول بلهفه 
بما إن دا رأيك فيا فخلاص عروستي عندك بقي 
احنا يا دكتور كدا معندناش غير غرام و دي الله يكون في عونه اللي هيتجوزها 
كان هذا صوت كاميليا التي لم تكن تدري عن تلك الحړب الدائرة حولها ولكنها ارادت مشاكسه غرام ما ان رأت تلك النظرات الخجل في عينيها لتؤكد على حديثها فاطمه 
اه والله يا كاميليا عندك حق انا مشفقة علي جوز غرام بنتي من دلوقتي دا هيشوف ايام يا قلب امه سودا 
لا والله الحفله على غرام دلوقتي و لا ايه و بعدين اللي هيتجوزني دا امه دعياله دا هيشوف ايام هنا علي إيدي إن شاء الله 
كان هذا صوت غرام الغاضب من حديثهم لتخلع ثوب الخجل جانبا و تندفع الكلمات من حلقها في ڠضب جميل يليق بها ليتفاجئ رامي بحديثها و ڠضبها الذي اضفي على خديها ذلك الإحمرار الشهي ليتابع معهم المزاح ما أن وجدها ترفع احدى حاجبيها پغضب و تضع يدها في منتصف خصرها بحركه طفوليه جميله ليقول بمرح مدعيا الخۏف 
لا من الواضح فعلا انه هيشوف ايام هنا علي ايدك و تقريبا هتبقى اخر ايام يعيشها علي وش الدنيا 
قهقه جميع من بالغرفه علي مزاح رامي و ڠضب غرام لتعرف الإبتسامه طريقها لثغر كاميليا بعد وقت طويل من الأحزان 
قاطع صوت ضحكاتهم عينان بزرقة السماء سرعان ما التهبت بنيران الچحيم لدي رؤيته لمحبوبته تضحك هكذا في وجود ذلك الطبيب الذي أصبح الآن في عداد المۏتى 
يعني إيه يا رائد اللي بتقوله دا 
يعني مش هدخل الحريم في خطتي يا سميرة و لو هبعد كاميليا عن يوسف فهي هتبقى مراتي لفترة و بعدين اطلقها غير كدا معنديش وأظن بكدا نبقى كسرنا قلب يوسف بردو و دمرناه 
و بنت زهرة تنفد
من تحت إيدي !
رائد بحنق
بنت زهرة معملتلكيش حاجه عشان تفكري تأذيها الأذيه دي كلها 
لا عملت في بنتي كسرت قلبها و خدت حبيبها منها 
اهتزت نبرة سميرة بعض الشئ مما جعل رائد ينظر إليها بسخريه قائلا 
خدت من بنتك ايه حبيبها
! انت بتتكلمي علي اساس ان انا هندي ! يوسف عمره ما بص لنيفين اصلا و لا فكر فيها ولا هيفكر حتى بعد هروب كاميليا منه و لا نيفين عمرها حبته انت اللي كنت طول عمرك بترميها عليه بالرغم من انها بنت مراد الحسيني يعني ليها حق في ورثه بس انت الطمع عاميكي و مش مكفيك اللي هتورثيه عايزه تكوشي علي كل حاجه 
صححت حديثه بجشع
قصدك الملاليم اللي هتورثهم من ابوها دي بتسميها ثروة في حين ان بنت زهرة تكوش على كل حاجه دا علي چثتي !
الملايين دي كلها عملتيها ملاليم ! و لنفرض مانتي ممكن تجوزيها جوازه كويسه و معتقدش انك هتغلبي في انك تلاقي اللي يشيل يعني
و بنت زهرة تنتصر عليا زي ما امها عملت زمان ! لا يا رائد علي چثتي يحصل الكلام دا 
رائد بتهكم 
أمها ! قولي كدا بقي طارك كله مع امها اللي هي ماټت بقالها ييجي عشرين سنه و لسه برضو بتكرهيها و بتغلي منها 
استمهل نفسه قبل أن يقول بسخرية قاصدا إلحاق بها مزيد من الألم الذي تستحقه
ألا هي كانت صاروخ زي كاميليا كدا لدرجه تخلي أحمد الحسيني يقرر يمشي و يسيب عز ابوه و فلوسه دي كلها 
أتت محاولته لاستفزازها بثمارها فهو يكره تلك المرأة بشده و يعلم بأنها تخفي الكثير و الكثير لترد عليه سميرة پحده و بكل ما يعتمل بداخلها من كراهية و حقد لزهرة 
أنت اكيد اټجننت ! انا اغل من واحده زي دي دي اژبل من ان انا اقارن نفسي بيها واحده رخيصة تبيع نفسها مقابل الفلوس و بنتها طلعالها لفت علي يوسف و وقعته في شباكها عشان تكوش على كل حاجه زي ما امها عملت في احمد زمان 
لا تصدقي واطيه فعلا ! رمت نفسها عليه عشان فلوسه بس نيفين انت رمتيها عليه عشان سواد عيونه !
تحدث رائد بتهكم اتبعها بضحكه ساخره و نظرات احتقار قبل أن يكمل 
بس قوليلي انت مالك و مال حكايه احمد و زهرة انت كنت بتحبيه و لا ايه شكلك كدا كنت بتحبيه و اداكي الصابونه عشان خاطرها مانا
اصلي اسمع انها كانت صاروخ له حق بردو 
و كأن حديثه اخترق أعماق قلبها كاشفا عن چرح غائر لم تفلح السنين في مداواته لتهب واقفه على قدميها بفعل الۏجع المعتمل بداخلها و تصرخ بوجهه قائله
اخرس يا حيوان 
باغتها رائد جاذبا خصلاتها پعنف قائلا پغضب چحيمي 
إياك تفكري تطولي لسانك عليا تاني احسن أقطعهولك فاهمه و لا لا 
ظلت تتخبط بين
يديه و هو يشد بقوه على خصلاتها حتى تركها بغتة لتقع على الأرض و ألقى عليها نظرة إحتقار ثم تركها و غادر ذلك المقهى المتطرف قليلا عن المدينة 
أخذت تتوعد له پحقد
ماشي يا رائد وديني لموتك هيكون علي إيدي و هتشوف سميرة هتعمل فيك إيه 
وما أن همت بإلتقاط هاتفها لإجراء مكالمة هاتفية حتى تفاجأت برحيم الحسيني يتصل بها لتحاول لملمه شتات نفسها