اسكريبت

تعالي ف حضڼي
_ليه ! هو مش إحنا هنطلق 
اه هنطلق
_هطلقني 
اه هطلقك
_وهتسبني ف حالي
اه
_ومش هتإذيني 
مش هأذيكي
_ولا هتإذي اخواتي
ولا ولاد اخواتك
_ومش هتحرمني من بنتي
هتفضل معاكي عشانها وعشانك
_أحلف بأغلى حاجه عندك
وحياتك عندي هسيبك ومش هأذيكي وهسيبلك بنتي
_...
تعالي ف حضڼي
_ليه ! هو مش احنا هن____
تعالي ف حضڼي 
_يعني بتكذب عليا ومش هطلقني
لأ هطلقك
_خلاص يبقى ملهاش لازمه .
لأ ليها ودا حضڼ بريء والله
_وانا مش عايزة 
اول مره ترفضيلي طلب !
_عشان خلاص هنطلق
طب اعمليلي قهوة
_حاضر
وفطار
_طيب
وحضريلي هدومي عشان انزل

_حاضر
ليه 
_..!
بقولك ليه !
_عشان دا واجبي
والحضن !!
اترميت ف حضنه وعيطت بصرخه _..
بټعيطي ليه طيب ! ..بتحبيني يعني 
_حضنك حلو ودافي 
وعايزة تبعدي عنه ليه
_عشانك بخيل
بخيل !! انا بخيل يا ناديه 
_أيوا بخيل 
بخلت عليكي ف اي احتاجتي ايه ف يوم وحرمتك منه !
وبدموع_بخلت عليا ب حبك حرمتني من أهم حاجه ممكن تتمناها اي بنت وهي اهتمامك بيا ال مكنش موجود ف كل مره احتاجتك فيها جمبي وملقكش ف كل مره بفرح فيها كنت بكون لوحدي وبحزن بردو لوحدي ..انت اخر مره اتغديت معايا كانت امتى 
مش فاكر بس من قريب يعني
_اخر مره قولتلي بحبك فيها كانت امتى!
...
_ولا مره قولتها ..مع اني كان نفسي فيها حتى لو بالكدب كلمه من اربع حروف كنت بحلم انك ف يوم تقولها لو حتى ف رساله .
ناديه انا بحبك .. بحبك والله بس معرفش اني لازم اقول عشان تعرفي دا .
_اوكي مش لازم تقول .. ايه الفعل اللي عملته عشان احس انك بتحبني 
...
_انت مش بس حرمتني منها لا انت كرهتني فيها !
...
_كام مره جيت احصنك وتبعدني عنك 
بكون جاي وتعبان وعايز ارتاح ف ڠصب عني ببعدك
_كنت بتكون واحشني وبصدك ليا بتقتلني
...
_كام مره جيت احضنك قبل متنزل وزعقتلي
عشان كنت ب___
_كنت بتبقى خاېف ع هدومك وتسريحة شعرك يتبهدلوا
ناديه .. انا اسف معرفش انك هتاخديها ع قلبك كدا
_انا مخدتهاش ع قلبي انا طلعتك من قلبي بسببها
...
_انت مۏت جوايا حاجات كتير حلوة ليك 
اديني فرصه اصلح
_هتصلح ايه ! اللي ماټ بيتصلح
ناديه انا بحبك
_هتصدقني لو قولتلك محستش بيها ..كأنك بتقولي ازيك عادي
...
_انت