البحث عن عريس

بحب الشعر القصير...مسكت المقص و قصيته و لقحت كل المكياج إل عندي...أنا بحب أبقى بطبعتي و الفساتين الأوفر و اللبس إل مش مريحني حتى الشوزات...بعدتهم عني.
صحيت تاني يوم و كنت جهزت نفسي و نازلة بس لقيت ماما قامت مصوتة
يلهوي...عملتي أية فى شعرك يا بت
قصيته.
فين المكياج
رميته.
و الهدوم الديقة
لقحتها.
و الشوزات.
مش هلبسهم.
لية عايزة تقعدي جمبي.
بصيتله و اتنهدت
ميرضنيش أني أقعد جمبك هروح أقعد مع جدي شوية.
مش هتروحي.
هروح.
خرج بابا و بصلها بتحدي
روحي يا نانسي عند جدك يلا.
ردت ماما
مش هتروح.
بصلها بتحدي
عليا الطلاق بالتلاتة هتروح.
شهقت
هتطلقني
أيوة...يلا يا نانسي.
نزلت و أنا على الباب سمعت صوتهم العالي مهتمتش غير الحرية و نزولي من غير قيدود بس للأسف الفرحة مبتكتملش لما لقيت خالتي فى وشي
ازيك يا نانسي.
ابتسمتلها 
كويسة يا خالتو.
رايحة فين
مشوار.
فين يعني
هيهمك.
أيوة طبعا مش بنت أختي.
بصيتلها و مشيت مش قادرة أتكلم فعلا و لازم أفصل وصلت عند بيت جدي و طلعت فوق فتح ليا الباب و خدني فى حضنه..قعدت أعيط أوي...كنت محتاجة أني أعيط لحد.
هديت شوية فقالي
مالك يا حبيبتي
مفيش يا جدو جاية أفصل شوية.
براحتك..دة بيتك اعملي إل عايزاه.
سمعت الباب بيخبط فقولتله بإستغراب
مستني حد.
لا.
فتحت الباب فلقيت واحد بيتكلم
ازيك يا جد....أية دة! هى دي مش شقة جدو محسن.
أيوة..مين حضرتك
سمعت جدو و هو بينادي
تعالى يا أحمد...تعالى.
دخل أحمد و أنا وقفت مستغربة فلقيت جدو بيقول
دا أحمد يا نانسي..و دي نانسي يا أحمد حفيدتي.
بصلي و ابتسم
ازيك.
رديت ببرود
تمام.
بصيت لجدو و أنا ببتسم
جدو..هنزل أتمشى شوية.
براحتك يا حبيبتي.
نزلت أتمشى شوية..أريح نفسي من الضغط بس فى حد ورايا.
لفيت لقيته أحمد قلبت عيني بملل فقرب و هو بيبتسم
على فكرة مينفعش تمشي و تسبيني.
وقفت و بصيتله
و الله.
اة و الله.
يلا.. يا خفة من هنا.
مشيت قدام بس هو أتكلم بصوت عالي
على فكرة أنت خاېفة أيوة زي ما بقولك كدة.
لفيتله فقرب و قال
خاېفة من مستقبلك.
و مين قالك
أحمد منصور دكتور نفسي.
و عايز أية
ابتسم
أساعدك.
اتنهدت و أنا بمشي
ياريت.
لحق بيا و ابتسم
متعملي إل حاباه.
زي
أية رأيك نجري الصبح
ماشي...بس أنا مش مطمنالك.
ضحك
لا اطمني.
_ تاني يوم _
خبط على الباب ففتحت
جاهزة.
ابتسمت
جاهزة...جدو أنا نازلة.
سلام يا حبيبتي.
بدأنا نجري فأتكلم
نفسك فى أية
من و أنا صغيرة نفسي فى بزنس خاص بيا نفسي أبقى Fashion Designer بس للأسف ماما كان ليها رأي تاني...خلتني أدخل طب و أنا مبحبهوش و أسيب شعري طويل دا حتى حياتي اتحكمت فيها!
طيب ما تبدأي إل نفسك فيه
ابتسمت بسخرية
ماما هتوقفها.
أبدأي من غير ما
تعرفيها!
بصيتله بأمل
فكرك هنجح.
أكيد.
شهر..ورا شهر ورا شهر...عدت سنة من أجمل سنة فى حياتي.
أتعلمت حاجة واحدة بس و هى أعتمد على نفسي و دة طبعا بسبب ربنا و بعده أحمد فرحانة جدا بالتغير دة.
حققت البزنس بتاعي الخاص و المرة دة بقيت Fashion Designer.
أخيرا حققت حلمي.
بصيت لأحمد و أنا ببتسم
بجد شكرا ليك...مش عارفة من غيرك كنت عملت أية
يمكن أقولك حاجة
قول.
أنا بحبك.
و أنا شكلي وقعت فى حبك.
ضحك و قال
ركزي عشان بينادوا اسمك عشان يكرموك.
ابتسمتله و قولتله
شكرا.
متشكرنيش على حاجة كانت من واجبي.
ابتسمتله و طلعت على الأستديج و أنا بتكرم مسكت المايك و بدأت أتكلم
أنا نانسي زيدان صحيح كان فى الأول حلم صغنون جدا...بس دلوقتي أتحقق...حياتي مكنتش سوية إطلاقا فكرة وجودي وسط ناس بتحكم عليا على حاجة مليش ذنب فيها!
مكنش ليا ذنب أني متجوزتش خالص...مع أني لسة صغيرة علطول كنت أنا ضحېة على حاجة مليش ذنب فيها..دخلت كلية الطب و أنا مش غاوياها..و عملت حاجات كتير مش غاوياها..بس دلوقتي لقيت هدفي و حققت حلمي و كان كله بفضل أحمد.
بدأ الجميع يصقفله و طلع على الأستديج و أتكلم
طبعا أنا مش محتاج شكر خالص أنا عملت دة كله عشان بحبك و قدام الناس كلها تتجوزيني يا نانسي.
هزيت رأسي بأني موافقة.
شكل الدنيا كاتبة ليا أمل جديد!
مهما كانت ظروفكم ..متيأسوش و جربوا مرة و اتنين و حاولوا ..هتوصلوا ..متقلقوش.
البحث_عن_عريس.
فدوى_خالد