خطيبتي واخواتها التوام

ووفيت.
تقدم سعد نحوه وأعطاه ورقة بيضاء مطوية قبل ان يهتف به
ده عقد الجواز كل حاجة تمت زي مانت عايز انا لازم امشي دلوقتي.
ثم تحرك خارج الشقة مسرعا دون ان يلتفت نحو مايا.
تقدم كريم
نحو مايا وأخذ يدور حولها متأملا إياها بفستان الزفاف الذي كان أكثر من رائعا عليها.
وقف أمامها أخيرا وجهه مقابل وجهها يتأملها بملامح باردة هازئة قبل ان يقول 
شفتي إنه ملكيش حد غيري.
اعتصرت مايا قبضتي يديها بقوة وحاولت ان تكتسب القليل من السيطرة على الذات فسألته بجمود 
ممكن أعرف ايه اللي بيحصل هنا.
ابتسم بظفر وقال 
هقولك
ثم اعطاها عقد الزواج لتفتحه بسرعة وتقرأ ما به فتنصدم بشدة مما قرأته كان عقد زواجها من كريم.
ازاي.
صړخت بها مذهولة مما تراه ليسحب كريم العقد من يدها بسرعة ويقول 
زي مانتي شايفة.
ثم أردف بنبرة ماكرة 
عملتلك اللي انتي عايزاه وأتجوزتك اظن مفيش احسن من كده.
قالت مايا بنبرة ساخرة
اتجوزت... زييي مش كده.
كسا الجمود ملامحه فقال بضيق 
ملوش لزمة الكلام ده انتي مراتي .
هنا فقدت مايا اعصابها وصړخت به بقوة وڠضب 
انت فاكرني ايه لعبة فإيدك يعني إيه عايزني
اقترب منها وهتف
يعني اللي سمعتيه
تأملته بنظرات مشمئزة قبل ان تهتف بكره 
انت مريض
رد پغضب مكتوم 
لولا اني مش حابب وشك الجميل ده
كان هيكون ليا تصرف تاني معاكي
انا خارجة حالا
قهقه عاليا كمن سمع نكته ثم قال 
وانتي فاكرة ان الناس هيقفوا معاكي ضدي انا فاكرة إنهم هيقدروا يقفوا في وشي
تأكدي يا مايا يا حبيبتي إني بإشارة واحدة مني أخليهم يشهدوا إني جوزك شرعا وقانونا
هزت رأسها بعدم تصديق وقالت 
انت ايه يا اخي ايه كمية الشړ دي ليه بتعمل كده هتستفيد ايه
رد ببساطة
مزاجي مزاجي عاوزني أعمل كده
مسحت دموعها اللاذعة بأناملها ثم قالت برجاء 
ارجوك انا مش حمل كل ده ارجوك افهمني
رفع ذقنها بأنامله وأخذ يتأمل ملامح وجهها بإعجاب كانت جميلة حتى وهي تبكي.
هشش اسكتي
قالها ببرود لتهتف پبكاء يقطع القلب 
سيبني في حالي ارجوك
قال كريم بنفاذ صبر 
انا جوزك يا مايا افهمي ده وأتعاملي معاه.
تركته واتجهت نحو الكنبةجلست عليها وأخذت تبكي بقوة واضعة كفي يديها على وجهها
كانت تبكي حظها
العاثر الذي أوقعها بيد رجل مثل كريم ورجل اخر مثل سعد
تبكي والدتها التي لا تعلم شيئا عما يجري حولها تبكي الجميع تبكي روحها وعڈابها المستمر
تبكي اشياء كثيرة ظلت هكذا لفترة طويلة دون ان تتوقف عن البكاء
في صباح اليوم التالي
ردت الأم 
مايا وحشتني اوي
ابتسمت نايا على والدتها وقالت 
معقولة يا ماما هي لحقت توحشك
اومأت الأم برأسها وهي تمسح دموعها بأطراف أناملها ثم قالت بنبرة ضعيفة
قلبي واجعني عليها من الصبح مش عارفة ليه
ردت نايا بجدية 
ده طبيعي عشان اول مرة تبعد عنك كده تلاقيها دلوقتي نايمة فالعسل متقلقيش عليها
خير ان شاء الله
قالتها الام بتنهيدة قبل ان تكمل موجهة حديثها لنايا 
خلينا نفطر مش هسمحلك تروحي الكلية قبل ما تفطري
الا ان نايا اعترضت 
لا مش هلحق يا دوب الحق اوصل الجامعة
ثم هربت مسرعة قبل ان تستمع رفض والدتها او اصرارها على تناول فطورها
اولا وصلت نايا الى الجامعة لتجد حسن زميلها في انتظارها والذي اقترب مسرعا منها ما ان رأها ليهتف بها 
صباح الخيرر يا نايا اتأخرتي ليه
أجابته نايا 
معلش امبارح كان فرح اختي ومنمتش كويس فصحيت متأخرة
مبروك يا نايا وعقبالك
احمرت وجنتا نايا خجلا وهي تجيبه شاكرة 
ميرسي عقبالك انت كمان
ثم انتبهت الى ساعة يدها فقالت بعجلة 
اتأخرنا على المحاضرة
ليكمل حسن بجدية
النهاردة هياخدنا دكتور جديد لسه منعرفش طباعه خلينا نفوت بسرعة لأحسن يجي قبلنا ويطردنا
سارع الاثنان في الدخول الى المحاضرة ليجدان الدكتور موجود بالفعل فسمح لهما بالدخول على مضض...
جلست نايا بجانب صديقتها وسألتها بصوت خاڤت 
هو ده الدكتور الجديد
اومأت صديقتها برأسها وقالت 
ايوه
لتعاود نايا سؤالها 
اسمه ايه..
حسام اسمه حسام
اومأت نايا برأسها ثم عادت بتركيزها نحوه.
استيقظ كريم من نومه فنهض مسرعا من فوق فراشه واتجه الى الخارج ليرى مايا الذي تركها نائمة ليلة البارحة على الكنبة
خرج من غرفة النوم الى صالة الجلوس ليجدها مستيقظة بوجه شاحب
انتي كويسه
سألها لترفع نظراتها الباردة نحوه وتقول 
انت شايف ايه
انحنى بجسده نحوها وقال 
مايا اسمعيني انا مش حابب أاذيكي انا عايزك وفي المقابل هديكي حاجات كتير.
قولتي عايزة جواز وأديني اتجوزتك عايزة ايه اكتر من كده
ابتسمت مايا بسخرية وقالت 
لا كتر خيرك الحقيقة ميرسي انك اتكرمت واتجوزتني معقولة كريم باشا بنفسه قبل اني أشيل اسمه.
نهضت من مكانها وهي تراقب الضيق الذي يحاول كتمه سارت بخطوات متعثرة بينما نهض هو بدوره من مكانه واتجه خلفها.
خرجت الى الشرفة تستنشق الهواء العليل عله يساعد في تهدئة روحها وقلبها.
وقف خلفها يتأمل الخارج بملامح جامدة لتتحدث أخيرا 
موافقة
الټفت نحوها فورا وقال 
موافقة على ايه 
اجابته بنبرة خاڤتة 
موافقة اني أكون ليك أداة متعة زي مانت
عايزني
انتي بتقولي ايه يا مايا.
قالها مذهولا
مما يسمعه لترد بجدية 
ايه مش سامع مش ده اللي انت عايزه أديني هعملهولك.
ثم تحركت داخل المكان وهي تهتف بجدية 
هكون ليك زي مانت عايز.
ثم التفتت نحوه تتأمل نظراته المندهشة

بسخرية دفينة قبل ان تكمل ببرود 
بس تنفذلي كل شروطي الاول.
شروط ايه
سألها بملامح مندهشة من القوة التي باتت تتحلى بها من أين جائت بكل هذه القوة والسيطرة وكيف تغيرت فجأة خلال ليلة واحدة وباتت تضع الشروط وتقرر.
اقترب منها ووقف موازيا لها مردفا بنبرة حازمة
متتكلمي ولا
خاېفة.
ردت بنبرة جامدة 
انا اخر واحدة ممكن تخاف منك اطمن بعد اللي عملته فيا قضيت على كل ذرة خوف جوايا.
ابتسم ببرود قاټل أغاظها وقال بتهكم
برافو القطة البريئة كبرت وبقت تخربش
رمته بنظرات محتقرة وقالت بتحدي 
اه والفضل ليك
اتجه نحو الأريكة وجلس عليها واضعا قدما فوق الأخرى متسائلا 
وايه المطلوب مني اتكلمي.
اتجهت نحو الكنبة المقابلة له جلست عليها واضعة قدما فوق الاخرى ثم هتفت بجدية
اولا أهلي
مالهم.
توفرلهم أحسن مستوى معيشة بعد ما تخليني احكيلهم كل حاجة وأعرفهم اللي حصل بطريقتي.
أوفرلهم ايه يعني.
سألها بعدم فهم لترد بجدية 
شقة كويسه في منطقة راقية تليق بيهم فلوس تخليهم يعيشوا في مستوى مادى كويس اكيد يعني مش انا اللي هفهمك هتعمل ايه.
وانا ايه اللي يجبرني على كل ده.
سألها متعجبا من ثقتها العالية لترد ببساطة
لأنك عاوزني وانا هكون ليك زي مانت عاوز بس تنفذلي شروطي الاول
صمت وهو يفكر بما تقوله بينما استرخت هي في جلستها تنتظر منه ان يعلن موافقته نعم فهي تثق به وبموافقته اكثر من اي شيء.
غيره
سألها قاطعا صمته لتبتسم في داخلها قبل ان تكمل بإنتصار 
عايزاك توفرلي شغل مناسب ليا
بس انا مبحبش مراتي تشتغل
دي مشكلتك انا من حقي اشتغل.
كانت حادة في نبرتها فصاح بها بټهديد
يا ريت انت كمان تراعي كل اللي مريت بيه
ثم يعني ايه مفيش شغل هو احنا عايشين فالعصر الحجري.
قولتلك مبحبش مراتي تشتغل ولو عالمرتب انا هديكي المرتب اللي يكفيكي
قالها محاولا انهاء الموضوع لكنها كانت مصرة على رأيها فهي لن تسمح له بالتحكم فيها بعد الان.
بس انا عايزة اشتغل متعودتش اقعد من غير شغل
تأفف بنفاذ صبر وقال 
انتي ليه مصرة تعملي مشكلة من كل حاجة.
ابتسمت ساخرة وقالت
اه فعلا انا الي بعمل مشكلة.
غيره
صمتت قليلا قبل ان تقول بخبث 
حاليا مش عايزة غير الحاجتين دول لحد ما افتكر اللي جاي.
تأملها بنظرات فارغة تجاهلتها وهي تنهض من مكانها وتتجه نحو غرفة النوم تبحث
عن شيء ترتديه بدلا من فستان الزفاف وتفكر في طريقة تخبر بها والدتها بما حدث
وقفت مايا امام شقة عائلتها وهي تشعر بالتردد والخۏف الشديد.
لقد دربت نفسها كثيرا على ما ستخبر والدتها به
لكنها ما زالت غير مستعدة بتاتا ماذا ستقول لها
وهل ستتقبل والدتها ما ستقوله الله وحده يعلم ماذا ستفعل والدتها بها حينما تعلم الأمر من أوله.
لقد قررت أن تخبرها بكل شيء بدءا من تورطها في القضية تلك ووقوعها في يد كريم
ثم ذهابها الى شقته وطلبها الزواج من سعد وما فعله سعد بها وكيف خاڼها وباعها لأجل المال.
تنهدت بصمت وهي تحاول ان تضفي القليل من الشجاعة على نفسها ثم رنت جرس الباب لتفتح نايا لها الباب وتتفاجئ بوجودها فتهتف بعدم تصديق 
مايا حبيبتي
قالتها والدتها پبكاء لتهتف مايا 
عشان خاطري متعيطيش
بعد الانتهاء من سعاد بتعجب 
انتي مش كنتي هتسافري الاسكندرية من الصبح وفين سعد ليه مش جاي معاكي.
ابتلعت مايا ريقها وتطلعت بنظرة متوترة لنايا التي شعرت بوجود شيء ما خاطئ يحدث مع اختها
تنحنحت مايا قائلة بنبرة متوترة 
الحقيقة انا جيت عشان اقولكم على موضوع مهم.
موضوع ايه
اخذت مايا نفسا عميقا ثم بدأت تسرد على مسامع والدتها واختها ما حدث معها بالتفصيل
كانت مايا تبكي بشدة بينما والدتها واختها يستمعان الى ما تقوله بعدم تصديق
تحدثت الأم قائلة 
لا انتي بتكدبي مستحيل يكون ده اللي حصل يعني ايه تجوزتي واحد تاني غير سعد وازاي كنتي محپوسة بقضية انتي بتكدبي عليا اكيد.
والله هو ده اللي حصل والله مكدبتش بحرف واحد انا مليش ذنب فكل اللي حصل ذنبي الوحيد اني وقعت مع واحد واطي زي كريم وواحد ساڤل زي سعد
ليه مقولتيش ليه سكتي ليه مجيتيش ليا اول ما عرفتي اللي حصل
تفتكري كريم كان هيسيبني اجي ليكي ولو جيت كنا هنخلص ازاي من الناس وكلامهم.
قالت سعاد بعصبية شديدة 
ودلوقتي مش هنخلص من الناس
وكلامهم اقول ايه للعالم بنتي تجوزت واحد تاني بدل العريس اللي شفتوه.
نهضت مايا من مكانها وانحنت امام والدتها قائلة من بين دموعها 
انا دبرت كل حاجة انتوا هتسيبوا المنطقة باللي فيها وهتروحوا معايا هتعيشوا معززين مكرمين.
هنهرب على اخرة الزمن
منا معنديش حل تاني لازم ابعدكم
قالتها مايا وهي تنهض من امام والدتها لتنهض والدتها من مكانها وتتجه اليها وتديرها نحوها وتقول 
احكيلي الحقيقة يا مايا انتي حصل حاجة بينك وبين الضابط ده وجاية تعملي الشويتين دول علينا دلوقتي
هزت مايا رأسها عدة مرات بعدم تصديق لا تصدق ان والدتها تشك بها كيف وهي من ربتها.
انتي ازاي تقولي كده انتي
بتشكي فيا يا ماما بتشكي في بنتك.
انا مبقتش فاهمه حاجة.
قالتها الام بإنهيار وهي تتحرك بعيدا عنها لتتجه مايا خلفها قائلة بصدق 
والله محصلش حاجة بيني وبينه والله العظيم انا كنت صادقة فكل اللي قولته ليكي ومش بكدب
انا لسه طاهرة يا ماما ومحدش لمسني لا كريم ولا سعيد.
الام بنبرة تائهة
طب طالما كلامك ده صحيح عايزاني أوافق عاللي بتعمليه ازاي اجي معاكي ازاي.
وأسلمك للي اسمه كريم ده
واخليكي تحت رحمته
عشان معندناش حل تاني ده الحل الوحيد اللي عندنا
جلست سعاد على الكنبة بوهن بينما نايا بقوة وهي تقول 
اهدي يا ماما بلاش تعملي بنفسك كده بلاش تتعبي نفسك.
ردت الأم بوهن 
انا انتهيت خلاص ضعت وبناتي ضاعوا معايا.
تطلعت والدتها اليها بنظرات غير مقتنعة وهي تحاول تصديق ما توعدها به ابنتها.
الفصل الثامن
خرجت مايا من عند والدتها وهي تشعر براحة مبدئية.
لقد تحدثت مع والدتها وأقنعتها بما تفكر به.
اتجهت الى خارج العمارة لتجد كريم في انتظارها فقد أصر أن يوصلها بنفسه الى منزل عائلتها